U TELE'HANU

U telèhanu, si, è na cosa bòna,

Megghju di nù volenti mbasciatùri.

Sapimu i novità cu cchjù ssapuri,

Basta i dicimu "prontu", quandu sona.

Meucci, scenzijàtu di valùri,

M'ù mbènta si vindiu lettu e pportròna,

A dogghja veni quandu no ffinziona,

Ca ti parinchj a testa di rrimùri.

E succedi spessu ccà, nta nostra zona;

L'attru, jornu pistai quasi tri uri,

nta nu locrisi, pa ccerti hagùri,

E mmi rispundiu nu pacciu i Barcellona.