DATE NASCITA

O milli novicentu trenatsei,

A ssettembri, nt'a hini d'a lunàta,

Nta na casa di taju e ddi ncannata,

Ciangendu si lapriuru l'occhj mei.

Canti di ddùcchi,canti di golèi,

Duri di camumiglia e mmendulàta,

A mmenz'a terra, a mmenz'a purvaràta,

Principijàru i patimènti mei.

Bramu di cràpa, ngùrru di porcèglju,

Circhi di lampi, scrùsciu di timpèsta.

Discùrzi di pappòma vecchjarèglju;

Hàmi canina, arija di hèsta

p'a muri d'u sacùndu masculèglju,

C'o primu già ndavia cammisa e vvesta.