PAJISI MEU

Na vota, o tempu d'attri cittadini,

Dinnu ch'eri nu ràndi cupigghjùni

Nt'à notti si llandràu nu lluvijùni

E ddissi "morti puru p'è gaglini".

Po ti chjantàru supr'a nu timpùni

Pò ppagùra di latri e Ssaracini:

E ffacisti ballàti nenza hini, 

Ca Cristu si divertia cu sò bittùni.

Ancora ndavi mura e ccasaljni

I petra viva e scagghj di mattùni,

Crisciru ridichi e ccocchj ccambarùni,

Puru nt'è lochi sagri, cchiù ddivìni,

Po ti calàru ccà, nta stu patttuni

Ca si stancàru i hànnu i ballarini,

Nta sta terra di crizzi e ppaparini,

A mmenz'a ddù hulèsi e nu vaggljùni.

E' dd'i vòti ti risbigghj e vvò i camini,

Pari ca sutt'o culu ndà sapùni:

Povaru spurtunàtu mulacchjùni,

A undi mènti pedi tròvi spini.