VITA A SBAFFU

Nta stu catòju nc'era nu scarpàru,

Nt'è megghju bòrzi si hingiu malàtu;

a burza si portàu a nu deputàtu

E nnènza visita nd'u pinsionàru.

Quandu si hiciaru u cuntu rretràtu

Nu vurzùni di sordi di mandàru,

Chi mmaritu e mmugghjèri si mbrogghjàru

M'i cùntaru e pportàru nu vvocàtu.

E cchistu hina al'urtimu dinàru

Si hici u cuntu a nno mbòrzi pagàtu,

Ch'ear n'amicu strittu d'u canàtu,

Higghju di mastru roccu u Gialatàru.

Ora si vvappunja u disparàtu,

Ch'i mani lisci e cc'u hulèttu paru:

Hùrmi, tinàgghj è ppinzi si rruggiàru

E' mmangia e mbivi, a hacci di stu Statu.